Video
Read full review
2009-10-17
35 views
16-10-2009是日「下場」喺灣仔, 先搵個地方醫醫肚. 原本想到大有附近, 途中路經呢間茶記被掛喺 display 內的一隻二隻雞吸引了, 又試試. 叫了無骨沙薑雞配白飯 ($35) + 熱奶茶; 朋友就食燒豬頸肉配飯油飯 ($35) 飲凍檸蜜 (屬「特飲」, 需加 $6).先嚟奶茶, 用金屬杯 serve, 熱到燙嘴 奶味 vs 茶味近乎 2.8, 茶澀味濃烈, 飲落異常嚡口, 罕有的飲唔晒. 唔掂! 再嚟雞飯... 去骨雞件油光滿面, 雞皮薄但唔爽口, 黑肉夠滑, 白肉就超級硬實嚡口, 咬到牙骹軟了 肉本身無乜雞味, 蘸點沙薑汁會較好, 不過我覺得 d 汁太油又太鹹, 唔太喜歡. 墊底的白飯就又削又軟撻撻又無米香, 應該係品質麻麻 + overcooked 的結果, 唔喜歡.試了少少朋友的豬頸肉, 幾香幾爽口, 但太乾了; 又試了點油飯 (定係「雞汁飯」?), 唔「油」, 但都帶淡淡香味, 亦較白飯飽滿煙韌. 酸辣薑茸就不錯, 多酸少辣, 但用嚟蘸豬頸肉 / 雞, 幾惹味的.食物一般, 茶記環境就幾乾淨又好光猛, 冷氣仲超級大, 離開時隻手凍到呢 阿姐們
是日「下場」喺灣仔, 先搵個地方醫醫肚. 原本想到大有附近, 途中路經呢間茶記被掛喺 display 內的一隻二隻雞吸引了, 又試試. 叫了無骨沙薑雞配白飯 ($35) + 熱奶茶; 朋友就食燒豬頸肉配飯油飯 ($35) 飲凍檸蜜 (屬「特飲」, 需加 $6).
先嚟奶茶, 用金屬杯 serve, 熱到燙嘴 奶味 vs 茶味近乎 2.8, 茶澀味濃烈, 飲落異常嚡口, 罕有的飲唔晒. 唔掂!
再嚟雞飯... 去骨雞件油光滿面, 雞皮薄但唔爽口, 黑肉夠滑, 白肉就超級硬實嚡口, 咬到牙骹軟了 肉本身無乜雞味, 蘸點沙薑汁會較好, 不過我覺得 d 汁太油又太鹹, 唔太喜歡. 墊底的白飯就又削又軟撻撻又無米香, 應該係品質麻麻 + overcooked 的結果, 唔喜歡.
試了少少朋友的豬頸肉, 幾香幾爽口, 但太乾了; 又試了點油飯 (定係「雞汁飯」?), 唔「油」, 但都帶淡淡香味, 亦較白飯飽滿煙韌. 酸辣薑茸就不錯, 多酸少辣, 但用嚟蘸豬頸肉 / 雞, 幾惹味的.
食物一般, 茶記環境就幾乾淨又好光猛, 冷氣仲超級大, 離開時隻手凍到呢 阿姐們幾友善又有禮貌, 招呼反而不錯.
埋單每人 $38, 一試無妨的 -- 不過食雞飯的話, 都係幾條街之隔的泰妃雞 (http://www.openrice.com/restaurant/commentdetail.htm?commentid=1973730) 啱我 d
Post
