Video
Read full review
2010-08-06
33 views
琴晚真係可以用貴人出門招風雨黎形容，突然既紅色暴雨，連尖沙咀地鐵站出口都要間歇性封閉，好多人無帶遮，出口塞滿曬人！想要放棄到韓國街，改到近地鐵站既食肆，但周邊食肆唔係滿曬就無興趣試，幸好晌商場等左一輪，雨勢稍為放緩，繼續向目標進發。隨意就選左清溪川，因為卡位好闊落，夠位放好一袋二袋之餘，d 衫濕淋淋都唔會太難受麻。 送上 10 款前菜，包括：泡菜，薯絲、大豆芽拼莧菜、茄子、海草、青瓜、魚片等。大部份前菜味道都偏淡，接近原材料既食味，與平時食開帶有蒜香同獨特醬油味道既前菜好唔同，個人就覺得中庸之道係最好，太淡又欠風味、太濃就唔太健康！ 牛肋骨雜菇鍋：因為阿媽唔食得辣，所以叫左呢個完全唔辣既，個侍應仲温馨提示話呢道菜係唔辣，我話無問題。一滾起先試啖湯，因為湯底好重要係成個煲既靈魂，色澤清澈，帶點淡淡鹹香，比想像好。材料方面除牛肋骨外，有迷你雞肶菇、翠肉瓜、紅蘿蔔、大葱、紹菜等。最有趣既係每舊牛肋骨都只有一端 "拎住" 兩塊小小既肉，成條骨身都係光秃秃既，真唔清楚呢個係咪正宗韓國菜既特式！ 魚肉蛋餅：賣相好靚，一咬好濃郁既蛋香隨即送到味蕾，好正！魚肉嫩滑，係我食過既最厚身，所以口感特別豐富。
想要放棄到韓國街，改到近地鐵站既食肆，但周邊食肆唔係滿曬就無興趣試，幸好晌商場等左一輪，雨勢稍為放緩，繼續向目標進發。
隨意就選左清溪川，因為卡位好闊落，夠位放好一袋二袋之餘，d 衫濕淋淋都唔會太難受麻。
送上 10 款前菜，包括：泡菜，薯絲、大豆芽拼莧菜、茄子、海草、青瓜、魚片等。大部份前菜味道都偏淡，接近原材料既食味，與平時食開帶有蒜香同獨特醬油味道既前菜好唔同，個人就覺得中庸之道係最好，太淡又欠風味、太濃就唔太健康！
牛肋骨雜菇鍋：
因為阿媽唔食得辣，所以叫左呢個完全唔辣既，個侍應仲温馨提示話呢道菜係唔辣，我話無問題。一滾起先試啖湯，因為湯底好重要係成個煲既靈魂，色澤清澈，帶點淡淡鹹香，比想像好。材料方面除牛肋骨外，有迷你雞肶菇、翠肉瓜、紅蘿蔔、大葱、紹菜等。最有趣既係每舊牛肋骨都只有一端 "拎住" 兩塊小小既肉，成條骨身都係光秃秃既，真唔清楚呢個係咪正宗韓國菜既特式！
魚肉蛋餅：
賣相好靚，一咬好濃郁既蛋香隨即送到味蕾，好正！魚肉嫩滑，係我食過既最厚身，所以口感特別豐富。另外，中間既醬油好香，面有少許芝麻，味道適中，輕輕點上更可令魚肉同蛋更香，好味之選！
泡菜炒飯：
賣相亦相當吸引，荷包蛋既蛋黃好漲 "buk buk"，代表雞蛋質量好好！飯既乾濕度把握得好，飯中混有爽口既泡菜粒同少許碎豬肉，味道唔算係韓國地道既勁辣， 啱香港人口味！份量亦唔少，最後食唔曬，惟有打包！
今次韓國街經驗無想像中咁好，以為可以食到韓國地道驚喜，但味道仲係掙一 dd，唔可以話唔好食，但唔可以話好好，應該有改良既空間，希望下次有驚喜啦！
環境：店面唔算大，但卡位極為寛闊、客人可以都可以坐得舒舒服服。亦無金壁輝煌，只係和階既韓式裝修。
服務：當晚只有兩位年青既男侍應，都以英文與客人溝通，起初都以為佢地係韓國人，後黎我請佢地幫忙睇一ｄ韓文字，先知佢地原來係尼泊爾人，但一 d 都唔似。但佢地都好幫忙讓厨房既同事翻譯。响點菜既時候，侍應都有提醒我地叫既份量可能過多，幾體貼呀！整個食飯過程亦都有不停加茶、加水，服務有禮唔錯呀！
Post
