Video
Read full review
2009-06-12
38 views
7-6-2009初一十五 dinner 又陪屋企人食齋, 今次阿爸提議試試永安後街呢間齋店. 一行 4 人, 叫了 3 餸 1 湯 1 澱粉質 share 食, 整體對味道印象唔差, 係比較油膩啫:前菜係漬大豆芽菜: 大豆芽菜係我最唔鍾意食的蔬菜之一, 結果掂都無掂. 松茸冬瓜盅: 老闆 (?) 的推介之一, 內有冬瓜, 竹笙, 絲瓜, 素蝦, 素魚蛋 etc, 消暑一流, 不過作為食肉獸, 我覺得味道太清淡, 始終都係豬肉好. 杞子紅燒豆腐: 芡汁夠味, 勁杰; 豆腐滑溜, 不過帶點酸味, 呢碟一般.金絲劍魚: 老闆的推介之二, 亦係呢度的招牌菜. 原來係用切絲雲吞皮, 捲住素魚落鑊炸, 再淋上五柳汁, 食落十分脆口, 唔油, 入面的「素魚」仲帶點「肉汁」, 配上酸酸甜甜五柳汁, 好食! 不過 d 汁頗杰撻撻, 個人而言唔太喜歡.上海雪菜炒年糕: 初初以為係「雪菜肉絲炒年糕走肉絲」, 嚟到先知係大家麻麻的上海粗炒 style... 年糕頗煙韌, 不過鑊氣不足油溼溼的, 配料 (雪菜, 青紅椒及素火腿) 又太鹹, 呢碟食剩唔少.紫菜鵝肝卷: 純粹好奇「素鵝肝」係乜
初一十五 dinner 又陪屋企人食齋, 今次阿爸提議試試永安後街呢間齋店. 一行 4 人, 叫了 3 餸 1 湯 1 澱粉質 share 食, 整體對味道印象唔差, 係比較油膩啫:
前菜係漬大豆芽菜: 大豆芽菜係我最唔鍾意食的蔬菜之一, 結果掂都無掂.
松茸冬瓜盅: 老闆 (?) 的推介之一, 內有冬瓜, 竹笙, 絲瓜, 素蝦, 素魚蛋 etc, 消暑一流, 不過作為食肉獸, 我覺得味道太清淡, 始終都係豬肉好.
杞子紅燒豆腐: 芡汁夠味, 勁杰; 豆腐滑溜, 不過帶點酸味, 呢碟一般.
金絲劍魚: 老闆的推介之二, 亦係呢度的招牌菜. 原來係用切絲雲吞皮, 捲住素魚落鑊炸, 再淋上五柳汁, 食落十分脆口, 唔油, 入面的「素魚」仲帶點「肉汁」, 配上酸酸甜甜五柳汁, 好食! 不過 d 汁頗杰撻撻, 個人而言唔太喜歡.
上海雪菜炒年糕: 初初以為係「雪菜肉絲炒年糕走肉絲」, 嚟到先知係大家麻麻的上海粗炒 style... 年糕頗煙韌, 不過鑊氣不足油溼溼的, 配料 (雪菜, 青紅椒及素火腿) 又太鹹, 呢碟食剩唔少.
紫菜鵝肝卷: 純粹好奇「素鵝肝」係乜嘢一回事, 原來係用紫菜包住芋蓉及切粒的不知名配料, 再蘸粉炸, 食落幾香紫菜味, 脆口, 餡料細滑 creamy, 不過 (1) 炸粉好厚, (2) 炸得油膩, 食得頗吃力, 蘸點沙律醬較好.
食物比上不足比下有餘, 環境就一貫齋店初一十五的迫夾, ventilation 又麻麻, 結果離開時成身食物味 招呼一般, 阿姐們俾人「睬你都傻」的感覺, 得老闆 (?) 好禮貌.
唔知幾錢埋單, 我覺得食物一般, 試過今次後無興趣再來了.
Post
