Video
Read full review
2024-03-21
115 views
伏嘅指數係五粒星上星期係IG睇到有foodie介紹呢間新開嘅餐廳講到生煎包好多汁又好好食咁咁今日就黎試下一去到嘅時候有兩個樓面姐姐淨係係度處理外賣訂單冇理排堂食嘅客人有兩個冇排隊嘅客人想入去係要本身排緊隊嘅客人嘈話排曬隊先有人理我地 有個唔知係老闆定經理嘅男人先搵員工黎安排入坐 但明明入面有最少十個員工係度到叫野食嘅時候叫左個排骨菜飯套餐，連一隻生煎包$56 加埋一杯豆漿$8仲有一個蔥油雞扒菜飯$42兩隻生煎包$20一隻蟹皇生煎包$18 Total$142後尾睇埋原來一開始唔叫套餐 散叫四隻生煎包$30 同埋正價豆漿$10 同我依家咁樣叫都係一樣價錢 即係同樣價錢下我少咗隻生煎包係野食到嘅時候 樓面侍應要逐張枱搵返客人張單number 嗌咗咩嘢食 出餐都有混亂嘅情況係食嘅時候 生煎包的確係多汁但完全冇食物溫度又細隻 仲係講緊任何一樣食物都冇食物溫度 只係叫做微暖 當黎左個蔥油雞扒菜飯嘅時候發現點解得個炸雞扒同埋菜飯 搵返個侍應係咪冇比蔥油 個侍應一嚟就直接話我哋係冇蔥油嘅我問返佢 咁咩叫蔥油雞扒？ 佢先再入去問返廚房同事 再話轉頭攞比我 啫係明明就有 但當有問題出現嘅時候就推卸左責任
上星期係IG睇到有foodie介紹呢間新開嘅餐廳
講到生煎包好多汁又好好食咁
咁今日就黎試下
一去到嘅時候
有兩個樓面姐姐淨係係度處理外賣訂單
冇理排堂食嘅客人
有兩個冇排隊嘅客人想入去
係要本身排緊隊嘅客人嘈話排曬隊先有人理我地 有個唔知係老闆定經理嘅男人先搵員工黎安排入坐 但明明入面有最少十個員工係度
到叫野食嘅時候
叫左個排骨菜飯套餐，連一隻生煎包$56 加埋一杯豆漿$8
仲有一個蔥油雞扒菜飯$42
兩隻生煎包$20
一隻蟹皇生煎包$18 Total$142
後尾睇埋原來一開始唔叫套餐 散叫四隻生煎包$30 同埋正價豆漿$10 同我依家咁樣叫都係一樣價錢 即係同樣價錢下我少咗隻生煎包
係野食到嘅時候
樓面侍應要逐張枱搵返客人張單number
嗌咗咩嘢食 出餐都有混亂嘅情況
係食嘅時候 生煎包的確係多汁
但完全冇食物溫度又細隻
仲係講緊任何一樣食物都冇食物溫度
只係叫做微暖
當黎左個蔥油雞扒菜飯嘅時候
發現點解得個炸雞扒同埋菜飯
搵返個侍應係咪冇比蔥油
個侍應一嚟就直接話我哋係冇蔥油嘅
我問返佢 咁咩叫蔥油雞扒？
佢先再入去問返廚房同事
再話轉頭攞比我 啫係明明就有 但
當有問題出現嘅時候就推卸左責任
唔關佢地事咁
坐位方面 都係十分之逼
講緊係要同人背貼背
入面客人出入係要
出面客人企係度讓人出入嘅
另外 間餐廳都好唔環保
除咗生煎包隻碟之外
全部都係即棄餐具同埋器皿
總結以上 呢間野真係不可一不可再
新開都估唔到咁差
比錢買難受 最差嘅消費體驗
15 views
0 likes
0 comments
Post
