Video
Read full review
2021-12-20
502 views
今日去咗西灣河搵fd拎free goods，我老公話太安樓隱藏好多高手🤪但係我唔想掃街喎😒拎住咁多野。行返岀去見到勁多人禁飛等，望一望原來係自私鍋❤️老公話咁耐冇打邊爐就去食一次啦🤪重點是唔貴👍🏻🍴食物🍴🎈特濃三重芝士鍋原本想叫藥膳雞，但驚自己燥上加燥，所以叫芝士鍋💋一上枱我見到塊芝士，但下面稀林林😒心諗唔係下化？但原來係愈滾愈杰🤣，dup 低個頭會突然聞到芝士味！芝士鍋配公仔麵係定律黎！😤勁好食！啖啖芝士味！肥都冇辦法😇🙏🏻🎈蟹棒不得不提個蟹棒🤣痴線！一枝筷子咁長，有我老公手指咁粗，我老公偷我雞話分唔到一半食想食晒成條🥲好彩我剪得返另一半！好有蟹味👏🏻另外一個係黑蚊蚊，好似芝麻糕嘅🤨應該係甜不辣？因為佢真係甜甜地，好煙韌似糯米糕！🎈台式香濃沙茶鍋鐘意濃味人士請注意⚠️呢個超正！其實本身都有醬料可以另加入碗到。有勁多配料，其實佢本身都有粉絲係底，所以如果大家叫呢個，可以嗌薯粉或者飯！不過沙茶醬配粉絲都係定律嚟🤣🤣🤣🎈海蝦3隻好大隻蝦🦐烚熟都好大隻架！好爽脆嘅蝦❤️剝左殼再浸係芝士鍋！冇得彈🎈蝦滑、墨魚滑、花雕牛小排由於落左牛小排唔記得咗😢😢烚到熟過龍😔不過都好香牛肉味🤪必叫一定係蝦滑🥰因為真
行返岀去見到勁多人禁飛等，望一望原來係自私鍋❤️老公話咁耐冇打邊爐就去食一次啦🤪重點是唔貴👍🏻
🍴食物🍴
🎈特濃三重芝士鍋
原本想叫藥膳雞，但驚自己燥上加燥，所以叫芝士鍋💋
一上枱我見到塊芝士，但下面稀林林😒心諗唔係下化？但原來係愈滾愈杰🤣，dup 低個頭會突然聞到芝士味！芝士鍋配公仔麵係定律黎！😤勁好食！啖啖芝士味！肥都冇辦法😇🙏🏻
🎈蟹棒
不得不提個蟹棒🤣痴線！一枝筷子咁長，有我老公手指咁粗，我老公偷我雞話分唔到一半食想食晒成條🥲好彩我剪得返另一半！好有蟹味👏🏻
另外一個係黑蚊蚊，好似芝麻糕嘅🤨應該係甜不辣？因為佢真係甜甜地，好煙韌似糯米糕！
🎈台式香濃沙茶鍋
鐘意濃味人士請注意⚠️呢個超正！其實本身都有醬料可以另加入碗到。
有勁多配料，其實佢本身都有粉絲係底，所以如果大家叫呢個，可以嗌薯粉或者飯！不過沙茶醬配粉絲都係定律嚟🤣🤣🤣
🎈海蝦3隻
好大隻蝦🦐烚熟都好大隻架！好爽脆嘅蝦❤️剝左殼再浸係芝士鍋！冇得彈
🎈蝦滑、墨魚滑、花雕牛小排
由於落左牛小排唔記得咗😢😢烚到熟過龍😔不過都好香牛肉味🤪
必叫一定係蝦滑🥰因為真心超級無敵勁彈牙同好濃蝦味！
個墨魚滑都勁爽口！不過佢一舊咁上，我哋就用匙羹又壓又搓又刮🤣懶係勁咁
🎈冰糖紅棗杞子燉雪耳
真係冇乜地方有呢啲咁特別嘅野飲🤣個紅棗雪耳，飲第一啖就好似久違了嘅燕窩咁🤪飲第二啖就食到紅棗杞子嘅甜❤️好多人都嗌呢個！👍🏻絕對冇揀錯
🎈 古早鮮橙茶
呢個一開蓋已經好香橙味！同埋好飲過啲乜乜水果茶🤣茶底同個橙汁超夾！
🔶環境🔶
裝修得好文青feel，食嘅都有好多係學生。我最鍾意佢個句:幸福，就是生活中一堆小確幸累積而成。
另外衛生方面都好好，一翻枱就有職員消毒清潔👍🏻
同埋呢到冇廁所，要乾淨就要去文娛中心，體育館話做打疫苗中心，所以冇得去！
其他
原來呢間野咁新，上黎呢到搵到今日先有update!
我見佢哋好似只收八達通同現金，同埋冇加一！
都好多人排隊，大家等嘅時候就可以諗定食咩
服務
真係一餐好好嘅experience!佢哋都勁好禮貌🥰仲有幾個都好靚仔🙈食完問其他食客乜嘢最好味😋好多人都話冰糖紅棗杞子燉雪耳好正👍🏻
Post
