外野手 (Closed)

昨晚跟男友來，好開心，因為吃得飽飽，埋單每人才不過是$150，真是好耐未試過咁抵。 講番食物，最興奮是刺身那張剔紙，有成十多款，極力淮薦三文魚、白拖羅、魚、油甘魚、八爪魚和鮑魚片，很新鮮，無限量任叫，吃多兩round都已經回晒本。不過，珍珠帶子和蟹籽魷魚可以不吃，感覺有少少霉。基本上此店的水準都尚算平均，壽司都不俗，揚物和一品料理較出色，某些燒物會有點失望，例如汁燒牛，好韌；燒蠔過鹹(蠔柱和殼還是相連在一起燒的)，而且火喉不夠。其他推介的食物還有︰香辣魚頭煲(大量芹菜和炸過o既蒜片，惹味非常)、鐵板豆腐、牛和帶子(豆腐不算嫩滑，但算在香口；牛薄切，入口即溶；帶子一口一隻，好滿足)、香脆雞軟骨粒粒、甘薯冬菇天婦羅、日式八爪魚丸…全都即叫即整，熱辣辣脆卜卜，真係好掂。 最後一提服務尚算有禮，不時幫客人加水之餘，更甚少有漏單o既情況，最可惜是洗手間比較污糟，要有心理準備。