Video
Read full review
2014-05-12
797 views
真係未試過食甜品食到咁嬲 - 不知所謂小妹平時唔寫食評, 但今次既經歷實在太不知所謂,我唔寫都覺得對唔住自己！話說前一晚係openrice見到呢間新開既甜品店，又上埋openrice 頭30名,見大家d食評又好似唔錯咁,所以期待左成日後搵了朋友Q決定要一齊試下睇下有幾好食!當日其實已經係黃雨，行到成身濕晒，一心諗住終於可以坐底食個痛快, 點知一坐底就同我地講話冇雪糕。本來我覺得唔係大問題，但因為我同朋友Ｑ都唔食冰，剩番既選擇原來係好少，再問清楚原來當日有既只係得番３樣。。。一場黎到又落雨所以就逼於無奈地叫左個芒果糯米糍 ($38) + 芒果梳夫里 ($58)首先講左個芒果糯米糍先:一客有四粒仲要係超級大粒,所以$38一客一D唔係貴! 不過咬落口好軟林林, 完全冇糯米糍應有既煙韌感。 咬多幾下覺得Ｄ芒果味越食越酸, 仲開始有ｄｄ苦。朋友Ｑ食完第一粒已經開始停晒手，非常失望。。跟住個梳夫里等左好耐（成２５分鐘），本來覺得賣相都唔錯，同埋又幾香芒果味，以為諗住等耐左都抵，點知一放隻匙羹入去已經"lai"野..發現入面係完全熟既.. 係人都知食梳夫里入面一定要軟到入口即溶！個梳夫里唔單之係熟晒
小妹平時唔寫食評, 但今次既經歷實在太不知所謂,我唔寫都覺得對唔住自己！
話說前一晚係openrice見到呢間新開既甜品店，又上埋openrice 頭30名,見大家d食評又好似唔錯咁,所以期待左成日後搵了朋友Q決定要一齊試下睇下有幾好食!
當日其實已經係黃雨，行到成身濕晒，一心諗住終於可以坐底食個痛快, 點知一坐底就同我地講話冇雪糕。本來我覺得唔係大問題，但因為我同朋友Ｑ都唔食冰，剩番既選擇原來係好少，再問清楚原來當日有既只係得番３樣。。。一場黎到又落雨所以就逼於無奈地叫左個芒果糯米糍 ($38) + 芒果梳夫里 ($58)
首先講左個芒果糯米糍先:
一客有四粒仲要係超級大粒,所以$38一客一D唔係貴! 不過咬落口好軟林林, 完全冇糯米糍應有既煙韌感。 咬多幾下覺得Ｄ芒果味越食越酸, 仲開始有ｄｄ苦。朋友Ｑ食完第一粒已經開始停晒手，非常失望。。
跟住個梳夫里等左好耐（成２５分鐘），本來覺得賣相都唔錯，同埋又幾香芒果味，以為諗住等耐左都抵，點知一放隻匙羹入去已經"lai"野..發現入面係完全熟既..
係人都知食梳夫里入面一定要軟到入口即溶！個梳夫里唔單之係熟晒仲要成個都脆脆地，我再攞番隻匙羹出黎既時候仲要見到成個梳夫里係痴住隻羹,咁你應該已經想像到個梳夫里有到底有幾熟..不過..佢熟晒都佢好食之處既。只少佢係脆得黎有芒果的香味, 味道其實唔差，不過梳夫里真係唔應該係咁既口感／味道.. 仲要收人$58一個,你話我點唔發火!
可能因為我唔係食呢度出名既雪花冰，所以我對今次既經歷好失望..就算你咩原因冇雪糕賣都好,只少都應該同顧客解釋, 服務態度好Ｄ我都唔會咁嬲，而唔係hea答, 呢樣又冇個樣又冇, 好似唔想做你生意咁..唉..難Ｄ會再幫襯
Post
