木衛二鑄茶所 (The Eastmark) (Closed)

新商場The Eastmark開咗幾間鋪頭，一心諗住同同事lunch試新嘢，結果揀咗木衛二鑄茶所。裝修環境沒有問題，陽光充足，感覺舒服。依間嘢係自助形式買飯，全店賣蒸飯、燉湯同台式飲品。因為減肥原因就揀左全素的蟲草花杞子猴頭茹蒸飯 ($42)。店員叫號碼取蒸飯，一攞上手就，睇賣相已見不祥，雖然是剛蒸出來，但食材上面凝固住一層厚厚的芡汁，賣相欠佳。之後夾起餸菜全完「張實」，夾都夾唔起，過份！至於味道，蟲草花杞子猴頭茹完全沒有味不止，仲要苦！我食咁多年lunch，都好難搵到一個咁難食的蒸飯。再講，白飯係硬架！！！！，應該沒有油份一同蒸的關係，白飯硬及乾！最重要價錢唔係平！每日咁辛苦返工都係為咗食，俾D咁難食的蒸飯俾客，好唔好意思架~！我食完出來講過「無下次」！九龍灣常悅道21號The Eastmark1樓5號舖