居食屋「和民」 (雅蘭中心)

Open Now

Now Closed

下午一點半左右到嚟，直入吾使排隊吾使等，坐左一半人到。叫左1個3號餐(我叫佢做雞寶飯吧)，1個9號餐(壽司/天婦羅/蕎麥冷麵)，跟熱柚子蜜同凍檸茶。飲品好快，5分鐘就到，但柚子蜜太甜，凍檸茶好似無放糖水(我無叫少甜或走甜)，又無跟糖水嚟。咁叫服務員比杯熱水同糖水，好快，即到。等左15分鐘左右，一個餐都未到，我對住廚房出菜位，亦吾見有幾多個餐出過，我叫過兩個服務員跟跟，兩個哦完就算，無埋去出餐位睇睇。再過5分鐘，我又追，佢叫我等等，我話我等左20分鐘，仲要等幾耐？我起身話走，佢話其中一個餐差壽司未整好，即刻有另一服務員托個餐嚟(欠壽司)。算！坐低食，再過5分鐘，我見有壽司出，但無人攞嚟比我地，反而攞一整個同樣嘅餐，比另一枱遲過我地嚟嘅客人，我即刻問服務員，佢即時去出菜位攞比我，我話第二個餐吾使嚟啦，埋單！佢又即刻去出菜位攞埋比我。講返餐嘅質素，蕎麥冷麵應對跟一碗日本鼓油同蔥花/鵪鶉蛋/芥末，但無，麵亦吾凍，立口，失敗。蝦天婦羅咬落去一口油。另外一個雞寶飯，啲雞寶同飯都係''微"暖嘅，即係整定，都吾明點解要等接近半個鐘。總結，服務員好好，但廚房好差，以後一定吾會再幫親佢。