Brooklyn (Closed)

想受氣黎呢間餐廳包無錯。星期日約左7點30分同朋友一齊食飯，朋友準時到達，我上到去7點33分。問朋友點解未入得，佢話侍應會覆執緊枱。到7點38分仲未有聲氣，當時餐廳得我地4個人等緊，我問門口個侍應，佢態度超差，話人地埋左單唔走我都無辦法架，無哂枱架，係得呢張枱。我同佢講 咁你就唔好話執緊枱，我地奇怪咩枱要執成8分鐘都未執完。之後佢去左執枱，一路同另外個所謂經理數我地，因為個經理眼神一直向住我地4個，仲要勁唔友善。之後既所謂經理行過黎我到，態度極度惡劣，問我小姐而家咩事先? 我答佢我地等左8分鐘，其實你同我地講張枱未走咪得囉，態度唔駛咁差，佢答啲客唔走我地有咩辦法由佢行過緊同我講野一刻，我以為一個黑社會同我講緊野。呢間野，我永不幫襯，想受氣可以去食。