港澳義順牛奶公司 (Closed)

同朋友行過，見成間老字號咁款諗住試下。一坐低已經見到價錢唔平，原本3個人叫左碗雙皮奶(緊係要試招牌野)同一碗朱古力燉奶，分別32，33蚊，點知佢話平均一個人最少要叫一樣，唔係就每個淨坐10蚊。已經d野唔平，當時鋪面又唔係滿人，已經一肚氣，但冇理由蝕比佢，就叫多個奶油多13蚊。首先速度係好快，當然因為燉奶係預先整好。味道方面，雙皮奶食到奶味，幾香，其實每碗份量都算少，但味道太甜，所以食到一半就開始濟，同埋之後好口渴;朱古力燉奶味道應該相對較易入口，但一畢起就見到質地非常唔滑，一粒粒渣清晰可見，朋友都話口感唔滑;奶油多味道就冇咩值得講，不過都係唔算抵食。總括離講，作為一間老字號，冇咩人情味，態度中規中矩，唯一值得表揚就係快;份量少又貴，唔抵食，睇翻之前食評先知原來一路加緊價;味道好一般，作為一間老字號手勢都不外如是，唔多想再去。