客滿庭

Open Now

Now Closed

見人多就諗住嚟試下，入到嚟枱又冇鋪，難以置信既係自己鋪枱，茶水又冇跟，筆又冇枱號又冇點餐紙又冇，乜都係要問佢先攞嚟，唔知係本人要求太高定點，個人覺得連最基本既野都做唔到屬實有少少過分。講食既野，啲嘢食唔係特別好食，好多都唔夠熱，啲豉油喼汁全部都冇跟，又係要問到先有，仲要係好多嘢都要追佢先攞到嚟。有啲甚至你嗌佢佢係充耳不聞，直接掉頭就走左去。講服務態度，加單嘅時候就勁冇禮貌咁話做乜咁遲先落單，但係入嚟到坐低佢都冇講LastOrder幾時，真係過咗LastOrder咪同人講聲，又唔會夾硬要嗌。好好地氣咁講，人哋都會體諒架，勁冇禮貌咁樣講咁遲先落單係唔知想點，由頭到尾態度同服務都勁差，個樣又勁西，有種佢根本唔想serve人嘅感覺，唔會再嚟第二次。