北海道牧場餐廳 (Closed)

早餐一定要豐富！今日去左呢間餐廳絕對係比個裝修吸引， 牆身放左小擺設，用色簡單，感覺好舒適。 我點咗個漢堡扒、腸仔、蛋，牛角包餐配埋熱飲39蚊，通粉要另加8蚊。呢個餐平平無奇，腸仔唔係我最愛嘅廚師牌；炒蛋冇蛋味，本身最期待嘅牛角包同樣令人失望，牛角包一啲都唔脆，又唔夠熱，淋淋地，油膩感就keep到， 一啲口感都冇。我諗求奇俾個餐包都好過呢個所謂既牛角包。通粉就普普通通，煮得略為過熟有點淋，但味道都正常。仲有個茄汁唔知要黎做咩😅。