Outback Steakhouse (形點 I)

Open Now

Now Closed

睇完早場打算食餐好少少既同老公補返聖誕節大餐、見到set lunch有幾個選擇，最後分別叫左豬扒同春雞配飯再叫個芒果雞肉沙律。前菜沙律唔夠精緻仲有水份殘留。心諗只係前菜就算。黑糖麵包不過不失。Set到左、見到老公份豬扒個樣已經覺得鞋⋯食落比望落仲鞋⋯而且好明顯係無心機煮既⋯我個春雞未食我都預左鞋⋯⋯同我預期一樣⋯⋯只係俾個燒烤汁補返少少分數⋯但最失望係⋯啲飯竟然生骨、咁都可以拎出後招呼客？同個侍應講、佢補返兩份配菜俾我地、但得沙律同薯條，個沙律好似隔夜咁⋯放唔到落口。講埋額外叫既芒果烤雞沙律。沙律唔夠新鮮、睇得出係一早切定、個菜邊都泛啡黃色了。芒果又淋又酸，唔會係新鮮。個烤雞仲衰過我隻春雞⋯鞋到我一放落口都要吐返出黎。仲要叫柸檸檬茶催足3次、要老公行入水吧問人先有⋯呢個質素點對得住呢個價錢？4百幾蚊仲難食過茶餐廳，可一不可再。