福元湯圓

Open Now

Now Closed

呢間位於炮台山嘅本土小店，喺區內已經開咗好多年。佢哋有傳統糖水，亦有新式甜品；而最出名嘅莫過於係湯圓。舖頭細細，經常都有好多人排隊。早兩年仲上榜成為米芝蓮街頭小食。我最鍾意就係佢哋嘅杏仁茶+鴛鴦湯圓，同埋糖薑水底嘅鴛鴦湯圓。❣️杏仁茶香濃幼滑，唔會太甜；配湯圓一齊食好夾！❣️糖薑水底嘅鴛鴦湯圓，啱晒秋冬天食，薑味重又驅寒。經典嘅芝麻湯圓同花生湯圓真係無得輸，皮薄煙靭餡又多。花生湯圓食到細細粒嘅花生粒，芝麻湯圓嘅餡濃郁滑口。佢哋而家仲出咗自家煮嘅急凍湯圓，超市都有得賣，以後唔使等到過海先食到。🥰