翠華餐廳 (Closed)

下午茶想食碗麵，又諗唔到去邊好，咁就比多少少錢，去食貴價茶餐廳。翠華的確比普通茶餐廳睇落乾淨少少，周圍大多數都唔係香港人，坐低一人叫左一碗麵。魚腐米線魚腐係經過油炸，粒粒都大大粒。個麵唔係好大碗，不過有5粒大大粒既魚腐。魚腐吸湯力強，裡面有好多空氣，咬落去D汁流出黎，口感同味道都十分好。不過D米線好似未煮淋，有D硬。總括黎講，佢既魚腐係好好味，下次睇下可唔可以單點魚腐先。