翠華餐廳 (黃大仙中心北館) (Closed)

星期日下午，去左好同學屋企聚會打機。打到天昏地暗，唔經唔覺就到晚飯時間，於是落樓下商場睇下有咩食。原來黃大仙中心開左呢間野，同學話住咁耐都唔知開左，咁就不如試下。坐埋卡位，都幾闊落，又舒服咁，餐牌早就放係枱，於是立即睇下有咩食。我地叫左個雞粒炒飯，蝦球燴麵，另加瑞士雞翼。炒飯睇落好濕，入口又岩岩好，味道唔算太鹹，份量都幾多。蝦球燴麵，附加既例湯唔錯，入口好香，蝦球感覺新鮮彈牙，麵又好咬口，只係菜就少左，得一條。瑞士雞翼，外表太甜，尚算入味，可是有一兩隻中間仲凍凍地，未夠熱。大體都幾好，不愧係香港出名既茶餐館，品質唔會太差，值得佢咁出名。