愛上米線 (香港仔中心) (Closed)

唔知幾時香港人愛上食米線，米線店愈開愈多，不過大多集中四川、雲南、酸辣等口味。今日喺香港仔試咗一間新開的米線店，尋回本地口味，感覺不錯。試了一個湯一個熱拌米線，全部加$18轉套餐，有小食和飲品，都幾抵。見到牆上海報說餐廳是使用海鹽和日本珍珠米，米線和白飯還可以添加。我們沒有加到，因為一碗都夠飽了。芫茜皮蛋脆鯇魚湯米線（$58）奶白色魚湯好清甜，鯇魚片夠多又爽口，不過間中有骨；皮蛋不孤寒，足一隻，好少見。我是芫茜會會員，覺得可以再多些。辣椒炒肉拌米線（$58）這個超級好食。辣椒是青辣椒，不太辣，反而很清香；炒肉是豆豉炒五花腩薄片，很惹味，還有炸黃豆，炸得鬆化；加埋滑捋捋的米線和清爽醬汁，全部撈埋好好食。套餐小食叫了剁椒皮蛋和話梅小番茄，份量和味道都不錯。套餐飲品叫了熱奶茶，比正常餐廳的大杯。另外、叫了炸蝦醬雞翼（$28）和油菜（$18）。雞翼香脆有蝦醬味，油菜都好大碟。