愛茶 (Closed)

每次經過d 飲品店都想試下，今次經過金馬倫道見到開左間"愛茶"，翻查下資料，原來係香港著名品牌英記茶莊，首間飲品概念店，本地薑誓不讓過江龍專美。我地試左兩款口味既奶蓋大理石,士多啤梨同青提，原來大理石即係沙冰底。青提奶蓋大理石粒粒青提配上奶蓋，感覺清新透心涼，賣相精緻。草莓奶蓋大理石，鮮甜草莓配上奶蓋，粉粉紅紅的賣相，深受女生歡迎。兩杯都用上新鮮果肉，天然甜，仲有陣陣茶香。愛茶出品的飲品全部不含奶精及糖精。愛茶所用的水都非常講究，以9次過濾方法製成氫水，據說比普通水具抗氧化功效。除了賣大路的芝士奶蓋和鮮果茶系列之外，更有全港首創以普洱做茶底之非常特飲，例如普洱茶啡紅豆冰，下次試下茶啡先。