靚煲皇 (Closed)

打邊爐癮起, 兩口子隨意響附近食, 靚煲皇食評參考多, 所以就黎呢度.豬骨湯底材料多, 豬骨味濃郁, 清而不膩, 趁個湯仲清甜, 先淥海鮮類.呢隻本地肥蠔, 隻隻都漲卜卜, 又肥又新鮮, 雖然暖左, 但食蠔都係冬天係最啱季節, 本地都有靚蠔, 咁就唔洗旅行先食啦.冬天仲有最正既豆苗, 呢D葉大, 就算淥完唔會得好少, 豆苗新鮮嫩綠.最後係主子最愛的午餐肉, 厚切有口感, 肥豬肉唔多, 就算邊爐淥都好香, 非常美味.