Video
Read full review
2005-10-23
12 views
星期五晚，約左幾位舊同學食飯，地點由最得閒周圍食果位決定。雖然都叫做去過下荷蘭，但就對當地料理冇咩印象，只係記得有好多種類o既大麻料理‧‧‧八點幾至收工，打的趕去，還好唔係太塞車，只係比原定時間遲左55分鐘，嘻嘻！的士司機好健談，係咁講話o係大陸買左屋，轉頭賺左一百萬，又話起左個靚靚錦鯉池，睇黎香港經濟都好番好多 呢間餐廳位置都幾隔涉，環境都幾OK，有少少酒吧feel，但就唔太嘈，九點過後都幾旺場。坐低時，兩位老友o既前菜─白酒煮青口同串燒帶子沙律─都食得七七八八。由於另一位朋友未到，我又幾肚餓，所以即時叫侍應生上番D麵包，兼order左一個青菜牛油果沙律同點左杯白酒先。結果沙律同白酒黎左都未見麵包上檯，要三催四請至有得食。個沙律份量都唔細，不過牛油果就得幾粒仔，菜都算新鮮，不過個紅酒醋就冇咩味。麵包係番焗過下o既麥包，味道Ok啦！不久人齊，四個女仔各叫左一個主菜，我就要左個酥皮羊肉茄子同一杯紅酒，其他人就叫左lamb shank、芝士汁露荀gnnochi同海鮮linguine。酥皮羊肉茄子o既賣相都幾好，不過店方冇提供一把適合o既刀，所以好難切，搞到散晒。茄子份量好少，唔係太食倒效果
八點幾至收工，打的趕去，還好唔係太塞車，只係比原定時間遲左55分鐘，嘻嘻！的士司機好健談，係咁講話o係大陸買左屋，轉頭賺左一百萬，又話起左個靚靚錦鯉池，睇黎香港經濟都好番好多 呢間餐廳位置都幾隔涉，環境都幾OK，有少少酒吧feel，但就唔太嘈，九點過後都幾旺場。
坐低時，兩位老友o既前菜─白酒煮青口同串燒帶子沙律─都食得七七八八。由於另一位朋友未到，我又幾肚餓，所以即時叫侍應生上番D麵包，兼order左一個青菜牛油果沙律同點左杯白酒先。結果沙律同白酒黎左都未見麵包上檯，要三催四請至有得食。個沙律份量都唔細，不過牛油果就得幾粒仔，菜都算新鮮，不過個紅酒醋就冇咩味。麵包係番焗過下o既麥包，味道Ok啦！
不久人齊，四個女仔各叫左一個主菜，我就要左個酥皮羊肉茄子同一杯紅酒，其他人就叫左lamb shank、芝士汁露荀gnnochi同海鮮linguine。酥皮羊肉茄子o既賣相都幾好，不過店方冇提供一把適合o既刀，所以好難切，搞到散晒。茄子份量好少，唔係太食倒效果，羊肉o既質地略韌，有少少臊。問個侍應要薄荷喱，佢話冇，惟有要芥辣啦，點知催左三次都未有，到我地食剩一啖時至送上，真係激死！個Lamb Shank反而唔錯，炆得又腍又入味，算交倒功課。個伴碟尤其出色，係加入左甘荀茸o既薯茸，我認為係全場最出色o既一味！試左兩啖另外兩位唔食羊o既朋友叫o既pasta，印象又係麻麻─gnnochi唔夠煙韌，個芝士汁亦係淡淡的，露荀就幾粗同幾新鮮；個linguine就非常行貨，應該係買來o既普通貨色，煮得亦唔出色，以呢度o既價錢就完全唔值囉。
其實呢度o既侍應都有禮貌，但係反應超慢，服務亦唔係咁貼心。反而係佢個電動磨椒鹽o既工具令人印象深刻，一按仲會好似電筒咁照住個碟，幾得意。最好笑係我其中一位朋友用用下，個掣竟然縮唔番上黎，係咁灑胡椒落佢碟linguine度
一間餐廳，最出色o既竟然係伴碟o既蓿茸同磨椒鹽o既工具，係咪應該檢討下呢？以佢o既價位，實在有太多其他選擇啦！為著個薯茸，味道方面加番一分俾佢。
Post