舍利鮨 (Closed)

訂左位食元朗嘅舍利鮨，聽朋友講話要食龍師傅先會特別好味，點知原來個位師傅已經去左銅鑼灣分店😂 食物味道ok la 但未話好味到要再食，可能係元朗區黎講已經唔錯，因為唔太多選擇。食物算係有心思嘅，有熟成30日嘅吞拿魚！同埋熟成嘅獅魚。有鮑魚有安康魚肝。未到有層次嘅味道，不過千幾蚊位都算有heart。我個人覺得佢啲壽司飯偏硬同酸。食到一半有少少消化不良😅 老闆好friendly, 請全場試飲佢嘅sake,仲同每個人social 介紹下隻酒，傾下計。 用餐嘅氣氛唔錯。service幾好餐廳裡面冇洗手間，個日落好大雨，但會有人遮你送你去洗手間。