豚道樂 (百合苑商場) (Closed)

今日午餐特登由公司行咗20分鐘，嚟到黃埔一個隱蔽嘅水產市場。市場人流唔多，但餐廳似乎都幾受歡迎，唔洗等位但餐廳入面都多人幫襯。本來想食鴨肉拉麵，先發現係限定供應，連promotion都已經過咗好耐。最後叫咗海鮮蕃茄拉麵，加13蚊轉特上，分量大啲，又有前菜同汽水。但係我地一直等，連前菜同汽水都無比我地。本身諗住可能真係多人，所以等咁耐，但發現比我地遲入嘅客人都有前菜，先發現唔係路。問一問上前菜嘅店員，佢一個輕鬆嘅語氣﹕「哎呀，乜漏咗你地呀﹖」個下真係好嬲。然後上拉麵嘅店員問一問廚房，同我地講3分鐘後就有，咁唯有希望係因為蕃茄湯要煮耐啲啦。等多一陣，拉麵終於到了。食落去第一下覺得，蕃茄味好濃，同平日拉麵好油膩嘅感覺唔同。海鮮有蜆同蟹腳，味道都唔錯，仲有唔同嘅叉燒。前菜係暖暖地嘅肉，味道幾特別。雖然價錢唔平，但一碗麵有咁多餸菜，而且味道特別，值得推介。如果唔漏單就perfect了。