Vie Won Won (Closed)

今日雖然天氣麻麻地，但我同阿妹唔想星期日困喺屋企，所以都出左黎搵下西環有咩好嘢食呢度坐得幾舒服，檯同檯之間又唔逼，有空間同自己friend食飯傾計。今日月頭，一於食得開心啲啦😆😆，我地叫左：頭盤：火炙油甘魚薄片 $128呢個火炙油甘魚薄片有配埋個沙律菜，係屬於日式嗰種，唔用沙律醬，而係改用清爽既日式醬油加埋落海草同生菜一齊，同個油甘魚好夾主菜：龍蝦沾麵 $218呢個龍蝦沾麵係我哋等得最耐既主菜，甜品上左食埋，呢個先最後黎。呢個沾麵每條麵都掛上龍蝦湯汁，龍蝦都好容易起肉切出嚟，整體口感係有超重超濃既龍蝦味。今日既cake of the day係：巴斯克芝士蛋糕（朱古力味）$52呢個甜品冇令我哋失望。因為個比重係cheese cake為主角，而且都仍然有微微嘅朱古力味帶出，個cheese cake冇俾朱古力味搶咗。另外叫左杯coffee of the day ：今日係煉奶咖啡 $46平時茶記茶走就聽得多，呢間有「啡走」，好特別，所以要試吓。飲落好滑，易入口，甜苦味適中。🍡丸久小山圓玄米柚子梳打 $48阿妹叫咗呢杯飲品，佢俾我試咗粒小丸子，粒丸子個皮有啲燒過，所以有少少脆皮，好特別，好鍾意。