Oddies (Closed)

持續四五日，三十幾度既高溫，令我走在街上都呈現半溶狀態⋯今日人在上環工作完，上openrice 竟然search 到附近有我鐘意既雞蛋仔雪糕店Oddies! 幸福真係黎得太突然喇！ 之前在灣仔食過，買完要係門口企住食，估唔到中環店竟然甘寬敞，仲可以涼住冷氣堂食！潔白既裝修，配上鮮明畫風既藝術掛畫， 看得出店主想幫品牌營造更個性化得形象。其實凍櫃入面的雪糕味道超級吸引，但我一早已揀好自己想要食的甜品！登登！ Night Wolf $60朱古力雞蛋仔雖然好多地方都有，但oddies既係我食過最滿意的，除了朱古力份量比較多，朱古力粒粒仲要係半溶既狀態，令人難忘。雪糕都係另一個亮點，雪糕好奶好厚身，而且朱古力味十分濃郁，簡直好似食緊100%朱古力甘。食到底仲有好酸好清新既檸檬奶凍，可以解解膩，完美既配合。