CHOKOHOOD (Closed)

經過大坑搵食，被一家鮮橙色門面專門賣可可食品Cafe吸引，朱古力品種非常特別，有台灣神灣、菲律賓、厄瓜多爾、意大利等等，吾係度度搵到。第一次嚟到梗係要試吓佢哋嘅Tasting menu - CHOKOHOOD Party，品嚐由可可到朱古力之旅，入面嘅甜品都係由可可豆唔同嘅部份製成、分別有冷泡可可茶，意式奶凍，朱古力泡芙，海鹽焦糖雪糕配朱古力威化筒。店員非常詳細講解食用嘅先後次序，同埋每款食物嘅特色，首先由冷泡可可茶開始，茶加入左可可豆嘅外殼，飲落去帶果香，非常特別；意式奶凍口感綿密，奶味十足，最特別係可可密，由天然既可可果肉以及果殻煮出嚟嘅糖漿，甜甜地，可以加入意式奶凍食，味道非常夾，奶凍上面仲有少少朱古力碎，增添口感；朱古力泡芙入面由意大利可可豆製成，朱古力味香濃，泡沫好脆；海鹽焦糖雪糕入面海鹽的鹹帶出焦糖醬的濃及牛奶雪糕的香，層次豐富，甜而不膩，朱古力威化筒超級脆，上面仲有濃郁朱古力漿和朱古力碎，超級有誠意。另外試埋單一產地朱古力🍫，個人比較中意黑朱古力既微苦味，揀左厄瓜多爾（72%）凍朱古力，特別之處店家用左cocktail 既做法，將冰同朱古力一齊搖，咁樣就算凍飲都可以試到朱