CHOKOHOOD (Closed)

精品咖啡店就去得多，精品朱古力cafe就第一次去。上年九月係大坑開嘅Chokohood主打精品朱古力，有食得嘅亦有飲得嘅。可以mix咖啡又可以mix焙茶。第一次嚟就試吓佢地個tasting menu ：Chokohood Party。包括咗4款食物。冷泡可可茶用可可外殼浸泡過夜，飲落有朱古力香，係唔甜嘅開味茶意式奶凍奶凍重奶味，可以唧啲可可蜜增加甜味增加甜味，加埋可可豆碎豐富口感黑朱古力泡芙香濃黑朱古力忌廉配朱古力泡芙，食完成口朱古力味。海鹽焦糖雪糕配單品朱古力醬甜筒海鹽焦糖雪糕非常好食，軟滑香濃而且唔會好甜，朱古力新地筒加強雪糕幼滑嘅質感。除此之外，仲點咗焙茶朱古力Latte。用咗日本小山園嘅焙茶同埋72%厄瓜多爾黑朱古力。好似飲緊一杯香滑嘅朱古力奶但同時又有濃郁嘅焙茶味道，超級好飲。基本每一樣，都可以單獨售賣，而家可以一次過試到咁多款唔同嘅朱古力產品真係好正。