麥當勞

Open Now

Now Closed

我冇諗過有朝一日我竟然會出麥當勞嘅食評，但係食完呢一個朱古力麥旋風之後我真係忍唔住，因為呢個朱古力麥旋風真係好濃味，好好食🤤🤤🤤其實由細到大，都好想將朱古力新地嘅朱古力醬同埋曲奇麥旋風嘅曲奇撈埋落雪糕到一齊食，我覺得一定會好正。點知而家真係出咗一款咁樣做嘅甜品，就係朱古力麥旋風，佢唔止將朱古力醬同曲奇放埋一齊，仲要連雪糕都係朱古力味嘅，簡直係為咗愛食朱古力嘅人而設！🎈朱古力麥旋風佢嘅朱古力味非常濃郁，朱古力醬加埋曲奇再加埋朱古力雪糕，食落口真係好似食緊一排朱古力咁，好可惜嘅係佢唔可以多曲奇，麥當勞可唔可以改下呢個規定，我覺得如果再多啲曲奇嘅話一定會更加正總括而言，如果你鍾意食朱古力嘅話，咁真係一定要試呢一個朱古力麥旋風，絕對唔會後悔！