Godiva Chocolatier (Moved) New Location

老婆大人係個朱古力控，食乜都要揀朱古力味，朱古力味以外嘅就唔食，有時氹下老婆，最好就係請佢食下Godiva嘅朱古力雪糕，話晒都係高級朱古力專門店，朱古力味雪糕點都唔會差，嗱，單睇賣相，未食都見到老婆大人笑晒口一臉幸福表情，所以唔係日日要食好嘢嘅，間中一杯靚小小嘅雪糕就可以氹到佢開開心心，都係多個餐嘅價錢啫😏Godiva朱古力軟雪糕極濃朱古力味，香濃軟滑加滿分造型，個筒硬咗小小，不過好厚身唔怕比雪糕浸軟，加上筒邊厚厚一層朱古力脆脆地，食個筒都夠飽，所以老婆大人負責食雪糕，我就負責食個筒😁