Video
Read full review
2024-08-15
219 views
講到觀塘嘅疏乎厘pancake，一定唔可以唔提呢間。“Four O Five Coffee & Eatery”印象中之前嚟過兩三次，每次都係為咗試佢嘅疏乎厘pancake。佢嘅特色係做到好大份，挺身但唔會犧牲質感同香味。上次已經試過焦糖同伯爵珍珠奶茶味，今次就叫了”香濃海鹽朱古力疏乎厘班戟”。好，首先介紹呢個。香濃海鹽朱古力疏乎厘班戟 $128 - 呢個朱古力嘅份量，係食完一定會飽嘅份量。佢唔止遮晒成個本來已經巨型嘅班戟，仲遮埋隻碟，實在太誇張。香濃嘅朱古力味之餘有好多Oreo碎，加上有焦糖香蕉，基本上淨係睇樣，你都會想像到味道有幾豐富。講返主食同小食。好耐冇食牛，所以今次揀咗:酥炸海苔魷魚配青芥末沙律醬 $78 - 算係比較特別嘅小食，酥炸魷魚本身係有咬口，質感煙靭，配埋沙律醬其實幾開胃，亦都唔會覺得好熱氣。石燒澳洲牛頸脊/糖水心鮑魚配露絲瑪莉汁 $268 - 呢個非常誇張嘅主菜，其實肉嘅份量唔算好多，但咬肉嘅肉味好濃，用石燒嘅方法令到佢好香之餘唔會好油，加上有啲鹽、燒汁同芥辣可以調味，連同薯條食其實效果唔錯。鮑魚係靚嘅，咬落去亦都有糖心效果。上嚟呢度食真係要訂位，基本上坐到九點都仲
“Four O Five Coffee & Eatery”
印象中之前嚟過兩三次，每次都係為咗試佢嘅疏乎厘pancake。佢嘅特色係做到好大份，挺身但唔會犧牲質感同香味。上次已經試過焦糖同伯爵珍珠奶茶味，今次就叫了”香濃海鹽朱古力疏乎厘班戟”。好，首先介紹呢個。
香濃海鹽朱古力疏乎厘班戟 $128 - 呢個朱古力嘅份量，係食完一定會飽嘅份量。佢唔止遮晒成個本來已經巨型嘅班戟，仲遮埋隻碟，實在太誇張。香濃嘅朱古力味之餘有好多Oreo碎，加上有焦糖香蕉，基本上淨係睇樣，你都會想像到味道有幾豐富。
講返主食同小食。好耐冇食牛，所以今次揀咗:
酥炸海苔魷魚配青芥末沙律醬 $78 - 算係比較特別嘅小食，酥炸魷魚本身係有咬口，質感煙靭，配埋沙律醬其實幾開胃，亦都唔會覺得好熱氣。
石燒澳洲牛頸脊/糖水心鮑魚配露絲瑪莉汁 $268 - 呢個非常誇張嘅主菜，其實肉嘅份量唔算好多，但咬肉嘅肉味好濃，用石燒嘅方法令到佢好香之餘唔會好油，加上有啲鹽、燒汁同芥辣可以調味，連同薯條食其實效果唔錯。鮑魚係靚嘅，咬落去亦都有糖心效果。
上嚟呢度食真係要訂位，基本上坐到九點都仲係滿晒。另外疏乎厘班戟烹調需時，其實個main食到一半已經可以叫佢上甜品，咁就唔使等咁耐了。
Post
