Video
Read full review
2009-01-12
13 views
11-1-2009訂了下午食 chocolate buffet, early lunch 拉了朋友0黎呢度辣一辣開開胃, 雖然朋友唔食辣. 叫了一碗冬蔭公蝦湯金邊粉 (好似 $48) 獨食 -- 都係第一次0係香港食呢味, 主要因為本身唔食得辣所以一直唔敢 order 0黎食... 呢度的賣相如 laksa, 撈0下撈0下見到湯內有兩隻蝦, 芫茜, 大量草菇, lemongrass 及 一粒南薑 (?), 勁多橙紅色「浮油」(蝦油?), 聞落好香青檸味, 湯底味道亦然, 微辣微酸, 又香又滑, 惹味又開胃, 忍唔住飲了大半碗! 金邊粉煙煙韌韌, 0岩口味; 兩隻連殼的無頭蝦亦新鮮, 肉質爽口彈牙的, 唔錯唔錯. 係唔係正宗我唔識, 不過呢碗冬蔭公湯粉實在十分對胃口, menu 上的「推介!!」label, 果然無呃人, 值得試試.朋友比我更唔食得辣, 叫了無辣泰式燒雞飯 (好似 $38?) 獨食... 試了一啖燒雞, 燒得幾香口, 加上用的係雞脾, 肉腍滑又唔少肉汁, 再蘸少少甜甜0地的泰式雞醬, 好食.另外叫了一客炸蝦餅 (好似 $30) share 食... 一客 4 小件,
訂了下午食 chocolate buffet, early lunch 拉了朋友0黎呢度辣一辣開開胃, 雖然朋友唔食辣.
叫了一碗冬蔭公蝦湯金邊粉 (好似 $48) 獨食 -- 都係第一次0係香港食呢味, 主要因為本身唔食得辣所以一直唔敢 order 0黎食... 呢度的賣相如 laksa, 撈0下撈0下見到湯內有兩隻蝦, 芫茜, 大量草菇, lemongrass 及 一粒南薑 (?), 勁多橙紅色「浮油」(蝦油?), 聞落好香青檸味, 湯底味道亦然, 微辣微酸, 又香又滑, 惹味又開胃, 忍唔住飲了大半碗! 金邊粉煙煙韌韌, 0岩口味; 兩隻連殼的無頭蝦亦新鮮, 肉質爽口彈牙的, 唔錯唔錯. 係唔係正宗我唔識, 不過呢碗冬蔭公湯粉實在十分對胃口, menu 上的「推介!!」label, 果然無呃人, 值得試試.
朋友比我更唔食得辣, 叫了無辣泰式燒雞飯 (好似 $38?) 獨食... 試了一啖燒雞, 燒得幾香口, 加上用的係雞脾, 肉腍滑又唔少肉汁, 再蘸少少甜甜0地的泰式雞醬, 好食.
另外叫了一客炸蝦餅 (好似 $30) share 食... 一客 4 小件, 炸得熱辣辣, 好脆, 唔算油, 食落鮮味彈牙, 蘸少少甜甜的黃色桔 / 柚子醬 (?), 一碟唔夠喉喎.
坐了「室外」位, 周圍乾淨企理, 0個個鐘數人流唔多, 感覺都幾舒服; 店員們態度 ok, 招呼 ok 啦.
連加一每人約 $65, 唔貴, 食物不錯, 會再幫襯的. 下次試試油酥餅 / 咖喱吧.
Post
