Venchi (Moved) New Location

venchi係呢兩年期間好似突然開咗好多間店，開頭以為佢係間普通朱古力店，點知原來佢d雪糕勁好味，口味又多，不過一直冇試佢d朱古力，多得肯洗錢嘅家人（洗我嘅錢）終於試到佢嘅朱古力。咁樣一細袋要二百幾，可能本身我麻麻地朱古力，所以都覺得幾貴下，食乜唔好過食朱古力，點知屋企人食完話好好味喎（暗示以後要我買多d？）咁我又試吓啦，口味好多，包裝又粒粒都唔同樣，試咗粒包裝靚啲嘅，影相都靚啲呀嘛。好味係好味嘅，令我忍唔住食咗兩粒，但係你話有乜特別，我又真係講唔出，就係朱古力味囉，滑啲？唔會死甜？唔識形容呀🤣總之值得一試。