i CREMERiA Dolce Giapponese (Closed)

去開銅鑼灣我都黎世貿呢間分店，座位唔多，得幾張高枱高櫈，近電梯位有幾張細枱，不過好開揚，行過路過都有人望到。 餐牌供應雪糕、芭菲、affogato，雪糕筒就$38-40，最貴嘅蜜瓜雪糕可以去到$220。呢間分店就唔似朗豪坊果間咁有蛋糕。Monbana香醇朱古力affogato $53北海道牛奶雪糕配法國熱朱古力，店員先唧上雪糕然後倒入熱朱古力，面頭灑上少少脆脆，食過有啲係自己倒嘅，就另一種開心。雪糕都幾大杯，倒入左熱朱古力，底部雪糕迅速溶化。佢地家嘅雪糕本身都係溶得快。牛奶雪糕合格，唔覺得奶香特別出眾，畢竟市面上都有好多濃度更高嘅牛奶雪糕。 雪糕質地軟滑，冰感唔重，溶得較快。朱古力係法國品牌，可能因為加左牛奶雪糕，變左朱古力奶味，所以並冇特別濃郁。