杏甜品 (香檳大廈) (Closed)

哩間甜品店已經嚟過好幾次，今次叫咗蛋白杏仁茶加芒果布甸、新鮮呂宋芒小丸子吸吸同龍眼爽冰蛋白杏仁茶加芒果布甸 $55（芒果布甸加$15）朋友話哩間嘅杏仁茶同出面唔同，無嗰陣藥水味，又夠滑，佢每次嚟到必叫，如果下次嚟我都試吓先，因為本身唔鐘意出面一般杏仁茶嗰種味道新鮮呂宋芒小丸子吸吸 $49飲落唔夠甜，可能淨係用新鮮芒果，無加糖水嘅關係，原本想食芒果雙皮奶，之前食過好味，可惜咁啱賣晒龍眼爽冰 $55有果肉、椰果同爆珠，龍眼味好濃，冰軟綿綿，味道清甜，唔覺唔覺好快就食完一碗