發哥粥底海鮮火鍋 (Closed)

聽朋友講九龍灣有間海鮮粥底火鍋好抵食，今日就去試吓啦，地點都好方便，地鐵站行出嚟幾分鐘就到，不過餐廳位置就要經過工廈先入到去，感覺有少少隱蔽，但勝在私隱度高。發哥粥底火鍋有三款海鮮餐任君選擇，我哋選擇咗龍蝦餐，另外平少少嘅選擇有海蟹， 又或者最貴嘅龍蝦加海蟹。呢個餐仲有前菜、燉湯、焗青口、鮑魚、海鮮拼盤、安格斯牛肩肉、八款火鍋材料、飲品任飲。非常抵食。店員好快就將粥底鍋同埋前菜上枱，其他食物亦都好快上齊。燉湯非常好飲，非常足料，個碗裏面係料多過湯，有雞、瑤柱、螺頭、花膠等等，味道勁鮮甜。黃金蒜蓉焗青口大大隻、熱辣辣新鮮燒，好味道。海鮮拼盤超級吸引，上面除咗龍蝦同鮑魚，仲有多寶魚、海蝦、黃金蜆、貴妃蚌、蟶子皇、時令貝。樣樣海鮮都新鮮好食，海蝦係非常彈牙，於是我哋後尾都encore左。貴妃蚌、扇貝都非常大粒。安格斯牛肩肉好有牛味，個樣好吸引，味道都10分好，食完仲想encore.火鍋配料都有好多款俾你揀，我哋主要揀咗海鮮、韭菜餃、蝦滑、豬紅、油麥菜、日本黑豚肉。本人都唔錯，尤其係日本黑豚肉，睇個樣都知好味。食完晒所有火鍋材料，店員就會自動波幫我地整粥底，店員好細心，先將鍋裏面嘅所有泡都筆走