肥强火鍋海鮮飯店 (Closed)

未入店見到生啤吧枱好有個性🍺，仲竟然有藍妹嘅生啤飲，已經加分🤩。坐低問店員有乜牛肉係油花多又好味，店員好有耐性逐一介紹🥩，最後上枱嘅牛肉油花非常靚，重牛味！另外店員推介「麻辣餃」同「菜肉餃」都係自家人手包，兩種餃都好好味。麻辣餃一入口有麻辣味，但辣度唔太強，唔食得太辣嘅朋友仔都啱食！菜肉餃食得出豬肉味濃，非常新鮮。響鈴食得出係即炸，無油膉味，熱辣辣又鬆脆！最後仲叫咗佢個臘味煲仔飯，飯粒煲得夠乾身，唯一有少少可以改進嘅係個煲仔飯豉油，無乜味，未能夠將啲飯同臘味嘅香味再提升得更好。