Four X Four

Open Now

Now Closed

村屋裏的隱世Cafe☺️顯徑站一出，行幾分鐘路程就會見到一間幾有特色嘅Cafe。因為附近大排檔同茶餐廳比較多，想食西式嘢就可以嚟呢間Cafe度食，而且佢仲有酒飲添啊。我哋叫咗兩份dinner set，包嘢飲，可以另外加錢要埋沙律同湯，粟米湯幾香幾濃，沙律仲有大大塊煙三文魚。主食我哋叫咗一份意粉，一份意大利飯，再加兩杯嘢飲，都幾滿足。青醬意大利飯配天婦羅軟穀蟹意大利飯口感唔錯，醬汁都好濃厚，好入味，上面有幾件天婦羅軟殼蟹，搭配一齊食又幾夾。紅蝦龍蝦汁扁意粉意粉賣相一流，口感都唔錯，上面有三隻彈牙嘅大蝦，配上龍蝦汁，幾特別，成個意粉都舖滿醬汁，惹味得嚟又唔會好鹹。佢夜晚6至7，cocktail有7折，我叫咗杯 晝 ，係百香果嘅味道，酒味唔算好濃，上面仲加啲鹽，唔錯。朋友杯白桃菠蘿沙冰都一樣咁吸引，賣相味道都好唔錯。