蘇媽.蘇媽馬來西亞茶餐室

Open Now

Now Closed

是日休假，出左黎荃灣走走，到左一直想試嘅蘇媽蘇媽，平日下午人不算多不用等位。店內幾光猛冷氣足，算是幾好坐立。餐牌都幾多選擇，最後決定叫飯同特飲。先到的椰汁班蘭冰，綠綠的幾靚，哈哈。椰汁香滑，仲有西米底，天氣咁熱覺得特別好飲。主食叫了辣死你嗎配仁噹牛肉，個名真係好搞笑，但個讀音又真係無錯喎。個飯賣相唔錯，同餐牌上幾乎一模一樣，綠色的椰漿飯，旁邊有參巴醬，花生，蝦片，乾魚仔，青瓜同蛋。仁噹牛肉炆得軟腍入味，微微辣夠香口。椰醬飯凍食幾得意，撈埋牛肉汁同參巴醬更香口，仲有其他配料增加口感，成個飯好豐富。唔錯唔錯，下次試下好出名嘅肉骨茶先。