濟州燒肉食堂

Open Now

Now Closed

留喺香港想約旅行嘅感覺，👦🏻👧🏻就去咗呢九龍灣德福商場入面嘅濟州燒肉食堂。圓形卡位坐得好寬敞，店員會先送上前菜，有酸蘿蔔、泡菜、芽菜、菠菜同昆布。爐嘅兩邊可以無限refil泡菜蛋🥚同粟米芝士🧀，👦🏻👧🏻鐘意等到底部烤到焦香脆脆先食，泡菜蛋滑嫩同酸辣開胃，粟米芝士香甜同芝士奶味重。🐷一級五花肉 $238五花肉肥瘦相間，燒完之後將油份迫哂出來嚟，入口肉質有彈性，可以吱檸檬同沾Wasabi降低膩感。🐷醃製一級豬肋肉 $178醃製咗嘅黑毛豬肋帶有甜味，燒完都唔會乾身，口感好juicy！🐮大蔥切牛舌 $138牛舌口感爽口軟嫩，燒完仍然保留肉汁，沾少少鹽同醬汁食好好味。🥩和牛牛五花 $158和牛牛五花肉質軟腍，充滿油脂香氣，肉味濃郁。🌮海鮮煎蔥餅 $138薄餅餡料超足料同調味入味，有蝦仁、魷魚、元貝同香蔥，成個蔥餅金黃色，邊位香脆，沾上蔥餅汁食好惹味！🥢黑米冷麵 $92用咗好多冰粒浸住冷麵，夠晒冰涼！黑色幼身嘅麵條幾爽彈，配上青瓜絲同梨絲，一啖燒肉一啖冷麵，有種清新解膩感！🍹濟州特飲 $32香甜嘅橙汁同酸甜嘅柑橘味，加上清爽嘅梳打，可以解燒肉嘅油膩感。🍹荔枝梳打 $32荔枝味香甜清新，飲落幾開胃。