大渣哥茶記 (Closed)

今日落咗九龍灣！去食左一間頂級的茶記！佢可能係全東九龍最好嘅茶記，但好過佢，我未搵到同埋未見過！首先一去到，今日陽光普照，天氣非常之熱！佢哋主動提供左遮俾我哋遮太陽！從來無餐廳會咁樣招呼客人！多謝你哋照顧到客人嘅需要，好快就有位入到去！安排好有效率今日叫咗個自由西餐，份量真係頗多，肉質為中上級，有牛肉味，並唔似其他茶記無肉味！個黑椒汁都比較濃！但味精味就唔算重！配角薯條就比較普通！但都可以接受！至於飲品方面！我好鍾意佢個茶底！有少少香！同埋唔篋！有紅茶嘅味道！又唔會太濃又唔會太淡，非常接近完美！呢間餐廳值得一試！喺亂流下，可能好多人會好失望，要記住可以失望，但唔可以絕望！日子都要過，不如坐低食番啲好食嘅嘢！再出發！相信晴天一定會降臨！