東京迴轉壽司 (Closed)

尋日經過見到東京執左,覺得好可惜... 早知佢執,我會食多幾次!!! 幫襯左佢超過五年. 東京d野唔可以話好高水準,但係都算係新鮮.價錢又唔貴,每人食一百蚊已經好飽.黎食佢係因為鍾意佢d壽司既口感,特別係三文魚壽司,塊魚真係勁厚切.佢自已都標榜自已係"全港最厚切既三文魚壽司".除左三文魚壽司,佢個煙三文魚壽司,吞拿魚腩壽司都好好味. 天婦羅芝心卷都好正~炸完d天婦羅用飯包住,好似加洲卷咁,但外圍有層剛剛熱熔既芝士包圍住.食定完既感覺好滿足!出面板前呀,峰個d都無架.仲記得第一次係個好朋友帶我去,去到門口我仲話"哇!呢間野個樣咁up dup,會唔會唔乾淨食到我肚痛架?!" 個次食完之後,就鍾意左東京,仲成日介紹d朋友去食... 高峰期個時,我同我個好朋友,一齊放十點工之後去食,一個星期食三次,連續食足幾個月雖然入面環境唔係太靚,不過都叫企理,都已經慣左同朋友去呢個老地方,傾下計又食下野...但係而家無左...真係好可惜... 希望有日見到佢既招牌再係附近出現啦...