Video
Read full review
2021-10-26
1598 views
東京米芝蓮二星天婦羅名店「広尾うち津」在四季酒店開店後，當然一位難求，幾個月前訂座，呢幾日終於都食到午餐。先來前菜三款，胡麻豆腐唔係豆腐上面倒胡麻汁落去，而係本身粒豆腐已經有胡麻味；鏗魚沙律配上醋汁，好清新，再試稍為濃味的海膽鮑魚，正路嘢。然後先來一隻天婦羅海老，鹿兒島產，一隻手指咁長左右。睇相都知，層炸漿唔會好似其他舖頭的天婦羅般厚，只係薄薄一層。聽師傅話，主要係用來包住食材，用層「衣」嘅熱力，令食材變熟，所以唔會好似出面啲蝦天婦羅咁，炸到出嚟係韌口，呢度嘅海老係爽口，配上店家自製的舞茸昆布鹽，好食。然後係季節蔬菜：細細粒嘅櫻桃蘿蔔，切開一半上，入面仲有水份，點上滿是蘿蔔蓉的天婦蘿汁食，蘿蔔味double。然後係好期待的炸海膽，用紫蘇葉包住已調味的北海道產海膽拎去炸，基本上只係炸十幾秒就拎返上嚟，令紫蘇葉變脆口，海膽微熱，放落口係幸福嘅感覺～之後係兩款炸卷，第一款係北海道毛蟹湯葉卷，local啲講即係蟹肉腐皮卷，配以蠶豆、紅椒天婦羅。腐皮唔算炸到好脆嗰種，一定唔係茶樓嗰啲口感，蟹肉塞滿喺腐皮入面，點埋蟹醋汁，絕配。第二款白蝦海苔卷，白蝦肉鮮甜，包在紫菜裡輕輕一炸，配埋Wasabi鹽一
先來前菜三款，胡麻豆腐唔係豆腐上面倒胡麻汁落去，而係本身粒豆腐已經有胡麻味；鏗魚沙律配上醋汁，好清新，再試稍為濃味的海膽鮑魚，正路嘢。
然後先來一隻天婦羅海老，鹿兒島產，一隻手指咁長左右。睇相都知，層炸漿唔會好似其他舖頭的天婦羅般厚，只係薄薄一層。聽師傅話，主要係用來包住食材，用層「衣」嘅熱力，令食材變熟，所以唔會好似出面啲蝦天婦羅咁，炸到出嚟係韌口，呢度嘅海老係爽口，配上店家自製的舞茸昆布鹽，好食。
然後係季節蔬菜：細細粒嘅櫻桃蘿蔔，切開一半上，入面仲有水份，點上滿是蘿蔔蓉的天婦蘿汁食，蘿蔔味double。
然後係好期待的炸海膽，用紫蘇葉包住已調味的北海道產海膽拎去炸，基本上只係炸十幾秒就拎返上嚟，令紫蘇葉變脆口，海膽微熱，放落口係幸福嘅感覺～
之後係兩款炸卷，第一款係北海道毛蟹湯葉卷，local啲講即係蟹肉腐皮卷，配以蠶豆、紅椒天婦羅。腐皮唔算炸到好脆嗰種，一定唔係茶樓嗰啲口感，蟹肉塞滿喺腐皮入面，點埋蟹醋汁，絕配。第二款白蝦海苔卷，白蝦肉鮮甜，包在紫菜裡輕輕一炸，配埋Wasabi鹽一齊食，愛蝦之人如我，好想食多件。
食咗五款天婦羅之後，上咗青森產鮪魚刺身二食，一款是醬油漬，另一款輕輕炙燒過，沒有好特別。轉個頭又重返天婦羅之旅，先來舞茸，十分濃烈的菌香，推介配上舞茸鹽來吃。
宮城帆立貝天婦羅，咬開見到帆立貝仲係半透明，真係炸得剛剛好。面層鋪上了紅蔥、紫蘇葉、薑、芝麻，係全餐最濃烈的一道菜，喜歡濃味的朋友一定會鍾意，但稍為蓋過咗帆立貝的鮮味。
如無理解錯，店家行的應是關西風的天婦羅，所以炸衣較薄，炸的時間較短，不過下一道和牛天婦羅，則用了關東風，油溫較低但炸的時間較長，所以出來的成品亦較為深色。咬開時入面好熱，千祈唔好一啖放落口，食落似係和牛漢堡扒的感覺，有些少肉汁，可配黑蒜汁吃，但牛味幾濃，唔點汁食都OK。
再來是熊本的茄子，茄子本身水份多，非常適合用來做天婦羅，點埋天婦羅汁食，唔覺得食緊炸嘢。
九州穴子天婦羅，沒有任何汁醬，只食魚鮮。有時食魚天婦羅，好易吸哂啲油味，店家用混合芝麻油和棉籽油來炸，味道清淡，所以食落都唔會食到油味，而係食材的味道。
最後一款天婦羅，係かき揚げ，即係混合天婦羅，是不少日本家庭常做的天婦羅，即以粉漿為主，混入食材再拿去炸，今次是蝦肉的かき揚げ，可以配飯或蕎麥麵。
去到呢度基本上食完了，飽住個肚再上埋甜品或水果，分別是酥皮甜蕃薯撻和靜岡蜜瓜，為這趟日本之旅來個完美句號。
午餐 約$1600/位
#hkrestaurant #hkfoodie #hkfoodblogger #hkfoodlover #hkfoodblog #foodie #foodiehk #香港美食 #美食 #foodphotography #foodstagram #foodreview #鐵食評 #中環美食 #japanesecuisine #日本料理 #天ぷら #天婦羅 #廣尾內津 #広尾うち津 #四季酒店 #FourSeasons #FineDining #高級餐廳 @fshongkong #米芝蓮 #michelinstar
Post
