東京迴轉壽司 (Closed)

見朋友成日讚東京壽司好食, 而且OPENRICE 食評又唔差, 所以今日同男朋友黎試下。我地試左帶子X 2、軟殼蟹手卷x 2、吞拿魚沙津x 2、鰻魚同魷魚, 唔覺食左乜野落肚, 但都要$145。而且食物又唔係特別新鮮, 用料又唔係貴, 相對板長同峰壽司真係覺得好唔值。平時係板長同峰壽司, $150 已經食到捧住個肚走。吞拿魚沙津一食都知道沙津醬係用卡夫, 而且吞拿魚又似罐頭開, 真係唔明點解可以$11 咁貴。同埋杯茶又冇茶味, 個杯仲好似有陣漂白水味添。下次都係唔好膽粗粗亂咁食, 都係食返板長或者峰壽司穩陣D 。