屋台屋 (Closed)

位於鰂魚涌基利路（實際上近康怡出口）嘅屋台屋係東區老店，響基利路超過 20 年。午市光顧，入座即有日式蒸蛋（好似只限頭唔知幾多位），蒸蛋嫰滑，可以一邊食一邊慢慢睇餐牌。套餐好有特色係一份主食 + 一份小食，主食有拉麵、烏冬等可選擇，小食可以選擇沙律、刺身飯、壽司等多款不同菜式。通常我唔想諗太多，就會食醬油拉麵 + 刺身飯。醬油拉麵湯底明顯飲得出冬菇、鰹魚的味道，醬油不會太濃掩蓋了那種鮮味。湯底的平衡做得很好。至於叉燒，該店曾使用滷豬頸肉做叉燒，但近月重新使用五花腩捲成圓條狀的叉燒，肥肉入口即溶，相當好吃。如果響鰂魚涌、太古，想搵間靜靜地又有質素嘅餐廳，不妨考慮去屋台屋。