Video
Read full review
2023-01-03
497 views
約咗朋友嚟銅鑼灣一聚，順便一齊食晏。友人一向都好鍾意食星馬菜，所以今次就專登揀咗利舞臺廣場呢間「亞參雞飯」。餐廳主打揉合馬來西亞、新加坡地道風格嘅海南雞飯，另外亦有一系列東南亞特色美食，例如新加坡肉骨茶、檳城蝦麵、巴東牛肉、亞參豬手等供應。先嚟一客亞參去骨海南雞飯跟清雞湯，海南雞採用了廚師嚴選嘅三黃雞，食落肉質好嫩滑，肉汁豐腴，脂香濃郁，點埋個秘製三色醬，令味道更突出。油飯拌入了炒香嘅班蘭葉同香茅，再以雞湯煨煮，入口粒粒分明、煙韌軟糯。附上嘅冬瓜雞湯味道亦唔錯，標明無添加額外調味，清香又解膩。另外呢客新加坡肉骨茶亦非常正，湯底以白胡椒、多種藥材及香料熬製而成，入口先嚐到胡椒嘅辛辣感，然後係湯頭嘅醇厚，配上軟腍嘅豬肋一字骨同入味嘅豆卜，暖心又暖胃。香煎手作蝦餅，呢個蝦餅真係十級推介，以人手打成，咬開見到入面有唔少蝦膠同蝦肉，食落好有口感，鮮味彈牙，點少少泰式甜辣醬吃，更加惹味。班蘭咖央多士，多士烘得好脆口，入面夾住咖央醬同牛油，咖央醬嘅班蘭味頗突出，入口香軟又唔會過甜，味道有層次，食完好有滿足感。至於飲品就點咗柑桔特飲 同 馬來拉茶，柑桔特飲好 fresh 好清新，味道酸酸甜甜，潤喉又醒
約咗朋友嚟銅鑼灣一聚，順便一齊食晏。友人一向都好鍾意食星馬菜，所以今次就專登揀咗利舞臺廣場呢間「亞參雞飯」。
餐廳主打揉合馬來西亞、新加坡地道風格嘅海南雞飯，另外亦有一系列東南亞特色美食，例如新加坡肉骨茶、檳城蝦麵、巴東牛肉、亞參豬手等供應。
先嚟一客亞參去骨海南雞飯跟清雞湯，海南雞採用了廚師嚴選嘅三黃雞，食落肉質好嫩滑，肉汁豐腴，脂香濃郁，點埋個秘製三色醬，令味道更突出。
油飯拌入了炒香嘅班蘭葉同香茅，再以雞湯煨煮，入口粒粒分明、煙韌軟糯。附上嘅冬瓜雞湯味道亦唔錯，標明無添加額外調味，清香又解膩。
另外呢客新加坡肉骨茶亦非常正，湯底以白胡椒、多種藥材及香料熬製而成，入口先嚐到胡椒嘅辛辣感，然後係湯頭嘅醇厚，配上軟腍嘅豬肋一字骨同入味嘅豆卜，暖心又暖胃。
香煎手作蝦餅，呢個蝦餅真係十級推介，以人手打成，咬開見到入面有唔少蝦膠同蝦肉，食落好有口感，鮮味彈牙，點少少泰式甜辣醬吃，更加惹味。
班蘭咖央多士，多士烘得好脆口，入面夾住咖央醬同牛油，咖央醬嘅班蘭味頗突出，入口香軟又唔會過甜，味道有層次，食完好有滿足感。
至於飲品就點咗柑桔特飲 同 馬來拉茶，柑桔特飲好 fresh 好清新，味道酸酸甜甜，潤喉又醒胃。馬來拉茶水準亦唔錯，茶味很香濃，甜度也剛好，充滿南洋風味！
Post
