Video
Read full review
2018-01-15
498 views
難得好味仲係小店經營，決定寫第一篇食評撐下你！筲箕灣一直沒有哪家好味泰國菜，今次去東大街就發現新開咗一間新泰國菜，門口掛住好多海南雞幾吸引，就一於幫襯下！係午市時間入去，除左單點餐牌之外，仲有午餐、二人同四人套餐。我地三個人，想試下啲唔同野，就決定叫一個二人餐再加野食。最先上嚟嘅係單點嘅泰式無骨鳳爪，微辣，鳳爪入口好爽脆，食落十分開胃！二人餐包嘅冬陰功鳳尾蝦湯，差唔多有4碗嘅份量，鳳尾蝦十分大隻，爽口新鮮。一碗差唔多有4-5隻大蝦，再加埋好多菇，十分足料。冬陰功飲落去唔太辣，好香再帶少少甜味，飲落喉嚨一啲都唔會嗆，推薦！二人餐嘅泰式鮮蝦炒金邊粉，份量都好大碟，我地三個人每人食完一碗都仲有。除左蝦同蛋之外，仲有一條條嘅豆乾，口感好好，味道亦唔錯。不過建議大家趁熱食，凍左好快會癡埋一舊哈哈哈。二人餐最期待嘅泰式炸蝦餅！炸蝦餅一共切開左6件，件件都好飽滿同炸到好靚嘅金黃色！咬落去好爽口彈牙，而且個皮炸到好脆好香，配埋個泰式辣醬食，真係一流！之後睇餐牌見到佢小食拼盤都有蝦餅，如果大家人多都可以叫個拼盤試多啲，不過蝦餅就真係一定要叫，好好味呀再黎就係二人餐嘅馬拉盞炒通菜，去親泰國菜都會叫。馬拉盞
係午市時間入去，除左單點餐牌之外，仲有午餐、二人同四人套餐。我地三個人，想試下啲唔同野，就決定叫一個二人餐再加野食。
泰式酸辣無骨鳳爪
99 views
0 likes
0 comments
最先上嚟嘅係單點嘅泰式無骨鳳爪，微辣，鳳爪入口好爽脆，食落十分開胃！
冬陰功鳳尾蝦湯
50 views
1 likes
0 comments
二人餐包嘅冬陰功鳳尾蝦湯，差唔多有4碗嘅份量，鳳尾蝦十分大隻，爽口新鮮。一碗差唔多有4-5隻大蝦，再加埋好多菇，十分足料。冬陰功飲落去唔太辣，好香再帶少少甜味，飲落喉嚨一啲都唔會嗆，推薦！
泰式鮮蝦炒金邊粉
92 views
0 likes
0 comments
二人餐嘅泰式鮮蝦炒金邊粉，份量都好大碟，我地三個人每人食完一碗都仲有。除左蝦同蛋之外，仲有一條條嘅豆乾，口感好好，味道亦唔錯。不過建議大家趁熱食，凍左好快會癡埋一舊哈哈哈。
泰式炸蝦餅
51 views
2 likes
0 comments
二人餐最期待嘅泰式炸蝦餅！炸蝦餅一共切開左6件，件件都好飽滿同炸到好靚嘅金黃色！咬落去好爽口彈牙，而且個皮炸到好脆好香，配埋個泰式辣醬食，真係一流！之後睇餐牌見到佢小食拼盤都有蝦餅，如果大家人多都可以叫個拼盤試多啲，不過蝦餅就真係一定要叫，好好味呀
馬拉盞炒通菜
40 views
0 likes
0 comments
再黎就係二人餐嘅馬拉盞炒通菜，去親泰國菜都會叫。馬拉盞比較甜，辣味比較淡，不過好彩係味道唔會好濃，唔會食到成口味精，唔錯。
泰皇咖喱炒軟殼蟹
$1
31 views
0 likes
0 comments
另外單點嘅泰皇咖喱炒軟殼蟹。同朋友好中意食軟殼蟹，店內仲有椒鹽的做法，不過我地都中意咖喱，咁當然要試下！咖喱做得相當有「泰」味，食落唔係好辣，反而甜甜地之餘仲帶椰香，最重要係仲加左蛋，好正宗！裡面仲有好多三色椒，剩係咖喱醬都好好吃！軟殼蟹係即炸再放喺上面，熱辣辣之餘仲好香口，就咁食同點咖喱食都好味！
食咖喱一定要點埋蒜蓉包！
33 views
0 likes
0 comments
見到咁大碟咖喱，忍唔住加單叫左碟蒜蓉包沾汁食，點知蒜蓉包都好驚喜！上碟有四大件，新鮮烤好仲熱，又脆卜卜，上面仲可以見到一粒粒新鮮蒜蓉，蒜香十足！再沾埋咖喱，真係好掂！叫咖喱真係唔可以唔叫蒜蓉包！
香芒糯米飯
35 views
0 likes
0 comments
雖然食到好飽，不過都係叫忍唔住加單左個芒果糯米飯，兩大片芒果再加埋熱辣辣嘅糯米飯，飯好軟綿，仲好香椰汁味，唔太甜，同芒果好夾，記住要留肚食
食到好飽嘅一餐，埋單三個人訂埋野飲同甜品，都係百幾蚊一個人，啲個價錢喺九龍城一定食唔到，但水準就真係好高！見到lunch都好多人點海南雞同豬手，下次仲想黎試下，仲有鹹肉！環境都舒服乾淨，重要係食落難得唔覺有濃味精，一定會再黎！同靚女老闆傾開計，原來佢地係家族生意，以前喺藍田因為租貴被逼結業，依家終於搵到鋪位落腳，自己一家人落手落腳做，老闆做空姐都一放假就黎餐廳幫手，厲害！支持小店呀！加油！
Post
