君滬鍋貼大王 (Closed)

由於昨日拜年既時候，老虎於四方城大發雌威，一家嬴三家所以今日重返筲箕灣給予友上上訴，而我又可以繼續我的掃街之旅由於之前一日老婆試完"低調高手大街小食"既雞蛋仔同"潮流興"既炸魚蛋話明一定要encore , order一定要買，為防大飽食唔晒而浪費，所以今次去買"君滬鍋貼大王"買鍋貼同生煎牛肉飽先講....生煎牛肉飽 : 皮脆，肉餡味道唔錯，有肉汁，份量又足(以$4個嚟講算係咁)，值得推介而鍋貼就比相象中失望，微暖...唔夠熱(雖然打包，但路程仍在東大街)，肉餡味道OK，但食落比較油，相比西灣河君滬既鍋貼略嫌失色