Video
Read full review
2023-06-22
321 views
#搞串個pantry大家慶祝節日或者紀念日唔少得要買#蛋糕 啦！要點樣揀好食、又有特色嘅蛋糕同親友、愛人分享呢💕？今次就試咗呢間由人氣網店，做到有實體舖頭嘅俄羅斯🇷🇺風情蛋糕店喇🍰！今次嗌咗開心果蜂蜜千層蛋糕($68)，同埋蜂蜜千層蛋糕($68)🎂。價錢以千層蛋糕嚟講，都算合理，但係因為佢係東歐風嘅蛋糕，望落感覺同平時千層蛋糕嘅餅皮完全唔同呀🤩。蛋糕嘅結構係軟餅底同埋忌廉層層交錯，可以食到好香嘅牛油同埋餅底香味。而且蛋糕質地挺身，唔同一般嘅千層蛋糕，食到最後亦都唔會倒冧晒爛晒😜。開心果蜂蜜千層蛋糕🌟🌟🌟🌟甜品用開心果味已經冇得輸啦。蛋糕甜度適中，可以帶出好香濃嘅開心果味👏🏻，加埋蛋糕上面有開心果碎碎做裝飾，同時間都增加咗脆口嘅口感。鍾意開心果味🤤嘅朋友，非常推薦呢個啊！蜂蜜千層蛋糕🌟🌟🌟呢個味道就相對普通啦，蛋糕有淡淡嘅蜂蜜味，就好似蜂蜜🍯海綿蛋糕嘅味道咁。因為係蜂蜜味，所以相對比起開心果蛋糕會比較甜，但係亦唔會過膩，令人忍唔住食完一啖又一啖呀😝！而呢個蛋糕嘅裝飾就比較普通，只係上面加咗兩楷士多啤梨🍓。食完呢兩件蛋糕之後，對東歐、俄羅斯風味嘅蛋糕好有興趣，所以自己去網上睇吓當地特色蛋糕
大家慶祝節日或者紀念日唔少得要買#蛋糕 啦！要點樣揀好食、又有特色嘅蛋糕同親友、愛人分享呢💕？今次就試咗呢間由人氣網店，做到有實體舖頭嘅俄羅斯🇷🇺風情蛋糕店喇🍰！
今次嗌咗開心果蜂蜜千層蛋糕($68)，同埋蜂蜜千層蛋糕($68)🎂。價錢以千層蛋糕嚟講，都算合理，但係因為佢係東歐風嘅蛋糕，望落感覺同平時千層蛋糕嘅餅皮完全唔同呀🤩。蛋糕嘅結構係軟餅底同埋忌廉層層交錯，可以食到好香嘅牛油同埋餅底香味。而且蛋糕質地挺身，唔同一般嘅千層蛋糕，食到最後亦都唔會倒冧晒爛晒😜。
開心果蜂蜜千層蛋糕🌟🌟🌟🌟
甜品用開心果味已經冇得輸啦。蛋糕甜度適中，可以帶出好香濃嘅開心果味👏🏻，加埋蛋糕上面有開心果碎碎做裝飾，同時間都增加咗脆口嘅口感。鍾意開心果味🤤嘅朋友，非常推薦呢個啊！
蜂蜜千層蛋糕🌟🌟🌟
呢個味道就相對普通啦，蛋糕有淡淡嘅蜂蜜味，就好似蜂蜜🍯海綿蛋糕嘅味道咁。因為係蜂蜜味，所以相對比起開心果蛋糕會比較甜，但係亦唔會過膩，令人忍唔住食完一啖又一啖呀😝！而呢個蛋糕嘅裝飾就比較普通，只係上面加咗兩楷士多啤梨🍓。
食完呢兩件蛋糕之後，對東歐、俄羅斯風味嘅蛋糕好有興趣，所以自己去網上睇吓當地特色蛋糕係乜嘢樣🤨。比較之下覺得呢間餅店有切合香港口味，用咗偏向西式嘅整法，增加忌廉嘅比例，令到口感更加細緻綿滑，相較真正俄羅斯本地嘅蛋糕，望落口感就比較粗糙啦😋。
Post
