東海海鮮酒家 (Closed)

由於朋友生日，一直未能去嚐試過東海既壽桃包，所以今日決定去一試。我們一行6人選定了信用咭優惠套餐，$780蚊就可有7餸1湯1甜品(蜜汁义燒、拍青瓜雲耳、皮蛋肉鬆豆腐、蒜茸開邊蒸龍蝦、果皮蒸六頭鮮鮑魚、白玉翡翠、客家沙薑雞、山珍佛跳牆、燕窩燉蛋白)，而且加$33仲可換埋經典菜(鎮江小排骨、芥末蝦仁)，最後我們仲選了原籠蒜香班肉蒸飯、金莎蛋黃鮮魷、蝦籽野菌豆腐煲及原隻蛋黃壽桃包。果然不負所望，食物保持水準，套餐仲可以食龍蝦、鮑魚、燕窩，令人驚喜尤其客芥末蝦仁、家沙薑雞、原籠蒜香班肉蒸飯。蝦仁配上芥末汁不太傳統，令人有新鮮感之餘，而且非常醒胃。沙薑雞不太肥，好香雞味。班肉蒸飯原籠上，班塊仲好新鮮，整個蒸飯充滿鮮味。東海既壽桃包唔駛講「出色」，即叫即做，蛋黃油而不膩。