東海堂 (荃灣千色匯I)

Open Now

Now Closed

東海堂冷藏西餅、蛋糕向來有一定質素，但預先包裝嘅，包括蛋糕都麻麻，今次佢牛油曲奇特價，因為過年時食過牛乳蛋白卷做得唔錯，係牛乳味太重，無咗蛋味唔適合我，但整體都唔錯。而東海堂工場分工向來明確，入去分咗你做依樣你就日日都做過樣，無第二款做，曲奇同蛋卷應該同科，所以都有啲期待。包裝有種奇怪感覺…唔多講，一包8粒，比預期細，每粒都完整，咬落鬆脆，但味道怪怪，植物牛油？奶精？一堆唔自然嘅味道出哂嚟，之前食蛋卷都係比重問題，而今次係原料完全唔掂！當然如果你食得曲奇又要騙自己追求健康，依隻幫到你。首先食完隻手唔油，甜度適中，植物牛油其實不飽和脂肪多之餘反式脂肪都多，但總有人覺得比真牛油好，奶精係化學合成，要嘜有嘜，所以甜度同脂肪量依啲都有得減，問心的確比外國出嘅低脂曲奇好食。本來見蛋糕卷做特價，有隻檸檬蛋糕想下次試，但宜家好有保留。